Aningaasaqarnikkut pissutsit ineriartornerat

Naatsorsueqqissaartarfik qaammatikkaartunik qaammatillu pingasukkaartunik kisitsisitigut paasissutissanik aningaasaqarnikkut ineriartornermut nassuiaatitut atorneqarsinnaasunik saqqummiisarpoq. Kisitsisit pineqartut tassaapput takornariaqarnermut paasissutissat, nunanik allanik niueqateqarnermut paasissutissat, suliffissarsiortut pillugit paasissutissat aamma aalisarneq pillugu kisitsisitigut paasissutissat.

 

Matumuuna Naatsorsueqqissaartarfimmit aningaasaqarnikkut pissutsinut kisitsisitigut paasissutissat allat ilanngullugit kisitsisaataasivimmut inissinneqarput. Tabelimi ataaniittumi aamma kisitsisaataasivimmi kisitsisit takuneqarsinnaapput 2016-imi kvartalit sisamaanni tungaanut.

 

Tabeli 1. Kisitsisit tunngaviusut

	Kisitsisit piviusut		Allannguut pct.-inngorlugu ukiup siuliani kvartaleqataanut sanilliullugu
	3. kvt. 2016	4. kvt. 2016	3. kvt. 2016	4. kvt. 2016
Atortussanik niuernermi kaaviiaartitat 1), (Naleqqersuut 2010=100) .....	125,6	129,7	1,2	-0,1
Kalaallit Nunaannut nassiussat annertussusaat 1), 1.000 m3.........	116,4	112,0	-1,6	1,7
Kalaallit Nunaannit nassiussat annertussusaat, 1.000 m3............	86,0	88,7	-0,2	14,3
Aningaaserivinnit atortitsineq 2), mio. kr. .........................	3.832,0	3.752,0	1,1	-2,1
Aningaaserivinni uninngasuutit, mio. kr. .........................	5.313,0	5.543,0	-3,4	4,3
Obligationinut akiligassat sinneri, mio. kr. ........................	3.144,9	…	-1,0	…
Isertitanit akileraarutit isumannaakkat, mio. kr. .....................	989,7	1.024,8	11,7	2,7
Eqqussuinermi uppernarsaanermilu akileraarutit, mio. kr. .............	152,6	161,5	13,5	5,6
Eqqussuinermi akileraarutit (angallatit motoorillit pinnagit ), mio. kr. .....	140,3	144,1	11,7	-0,3
Angallatit motoorillit eqqunerini akileraarutit , mio. kr. ................	12,3	17,4	38,2	107,1
Pisortanut akiitsut, sillimmatit ilanngunnagit (ukiup affaanut) 2),  mio. kr. .	798,8	785,4	3,7	-1,7
Nunatta karsiata akiliisinnaassusia, mio. kr. .......................	1.317,3	1.160,0	24,1	-10,0
Sanaartugassanut Iluarsagassanullu aningaasaateqarfiup atuinera, mio. kr.	154,8	…	-8,5	…

Nassuiaat: 1) Atugassanik nioqquteqarnikkut kaaviiaartitat nassiussallu annertussusaat ukiup ingerlanera malillugu iluarsineqarput, procentit allannguutaat naqqiinermi kisitsisaalersut malillugit kvartalimut siuliinut naleqqiullugit naatsorsugaapput. Niuertarfeqarnikkut isertitat kaaviiaartitat naleqqersuutaannut allannguut, niuertarfiit kaaviiaartitaannut sunniuteqarsimasinnaavoq. 2) Aningaaserivinnit atortitsinerit aningaaserivimmiititaqarnerillu, obligationitigut akiitsut sinneri taamatullu pisortanut akiitsut procentitigut allannguutaat kvartalimut/ukiup affaanut siulianut naatsorsugaapput.

Najoqqutaq: www.stat.gl/kon

 

4. kvartalini sanaartugassanut iluarsagassanullu aningaasaateqarfiup atuineranut aammalu obligationinut akiligassanut sinneruttunut naatsorsuutit suli nalunaarsorneqanngillat. Kisitsisillu piareerpata Kisitsisaataasivimmi nutarterneqarumaarput.

 

Niuernikkut kaaviaartitanut naleqqersuut niuertarfiit ataatsimut piginnitsillit tuniniaavimmi tigummisaanni allannguutinit sunnerneqarsinnaavoq. Naleqqersuut niuernermi paasissutissanik tamakkiinngitsunik imaqarpoq. 2016 3. kvartalimi aningaasarsiat akileraarutaanni kisitat qaffariarnerujussuat ilaatigut teknikikkut aaqqiinermik peqquteqarpoq. Aammattaaq aningaasat amerlassusaat 2016-imi kvartalit siuliini aningaasarsiat akileraarutaasa ilaannik imaqarpoq.

 

Kisitsisaataasivik

Qulaani tabelimi kisitsisit takutinneqarpoq Naatsorsueqqissaartarfiup Kisitsisaataasivianiipput, naatsorsukkanullu ataasiakkaanut periaatsit nassuiaataat nittartakkami www.stat.gl –imi Aningaasaqarnikkut pissutsinut kisitsisitigut paasissutissanut saqqummersitani nassaarineqarsinnaapput. Annertunerusumik paasisaqarnerorusuttut Anders Blaabjerg oqarasuaammut toqqaannartumut 34 57 81-imut saaffiginnissinnaapput.